عودة الحمار من الغرب

مقدمة :

الحمار ..... من اروع الكائنات و ان اهدر الكثيرون قدره فهو مثال حي للصبر و قوة التحمل و التفاني في العمل و لقد ذكر في القرأن في عدة مواضع كما صاحب الانبياء و الرسل و كان اية لنبي الله العزير في الخلق و البعث بعد الموت.

كما حظي في التاريخ و التراث القصصي علي مر العصور بنصيب كبير في الحكايات و الرويات التاريخية سواء الحقيقة او الاسطورية و لا ننسي حمار جحا و ايضا حمار الحكيم و اخيرا حمار من الشرق فكلها تروي علي لسان الحمار او عنه و تصفه بالحكمة بينما يصفه الناس بعكس ذلك و هم لا يفهمون ان صمته ليس غباء و صبره ليس بلادة و لامبلاته علي تصرفات راكبه ليست بلاهه و لكنها قدرة خلقها الله فيه لكي يكون عونا للانسان و سندا له في جميع الاحوال.

فماذا لو ثار الحمار علي واقعه و طالبنا بحقوقه في ان نحترمه و نقدره نعطيه ما يستحق ؟؟؟؟

تلك كانت البداية ...........!!!!!!!!!!

الفصل الاول : الرحلة " الوصول الي بلاد الغرب"

 في زمان غير موجود و في مكان لا محل له في الوجود تساوي الحمار و الانسان في الحقوق بعد ان ثارت الحمير علي ظلم البشر لها و اهاناتهم المتكررة لهم و قد حكمت المنظمة الدولية لحقوق الحمير باستقلال الحمير عن البشر و تأسيس دولة الحمير لاول مرة " و طبعا الاخيرة " في مكان منعزل عن عالم البشر و اعتبارها دولة معترف بها رسميا علي ان يتولي البشر رعايتهم و حمايتهم و يقدمون لهم وافر الاحترام و العون. و في هذة الاثناء و بعد تلك التغيرات سافر اول حمار من الشرق إلي بلاد الغرب لكي يدرس و يعرف احدث اساليب الحضارة الحديثة مضت سنوات رجع بعدها ليحكي ويروي لاخوانه من بني الحمير ما راي و ما عرف و ما سمع !!!

و بالطبع اسرع حمارنا ( فهمان ) بحزم حقائبه و معه تابعه من البشر و اخذ معه ما استطاع ان يأخذ من شعير و برسيم و فول كهبه و تحية لزملاءه بني حمير الغرب و بالطبع حمل الانسان تلك المشقة عنه طوال رحلة كانت اكثر من متعبة في اجراءات عقيمة من تفتيش و فحص لكل محتويات حقائب الحمار و فحص جواز سفره و التحقق من شخصيته خاصة و ان الحمير متشابهه. و بعد كل هذا تجاوز مطار عاصمة الغرب متجهت الي اقرانه في مزرعة نائية مترامية الاطراف و لكن لا يوجد بها سوي حمار و أتان " انثي الحمار" و ابنهما الصغير ينهق و يرفس في كل ارجاء المزرعة.

ظل الحمار الصغير يركض حول الحمار ضيف فرحا به و ابتهاجا فهو و لأول مرة يري حمارا من بلاد الشرق بلاد الاساطير و الحكايات فهو يري فيه فارسا مغوارا و بطلا جبارا لا يقهر و لا تنكس له راية.

و علي عكس المضيف كان الضيف فقد تذكر اخوته و بنيه و صاحبته و اهله ممكن يتكدسون في زريبة واحدة من اعواد الذرة بلا سقف و لا فرش و لا يقدم لهم صاحبهم الا القليل من الاكل و العلف البالي و يربطهم في عربة يجرونها طوال النهار و بعضا من الليل بلا كلل ولا ملل ولا حتي اعتراض علي حمولتها مهما ثقلت او تضرروا منها و في اخر المطاف ينهار نائما من شدة اللف و الدوران في شوارع و حواري المدن التي قد حفظها كما يعرف حوافره. و تصور كيف كان ابنه الجحش الصغير مربوطا الي جواره لكي يعتاد المشقة و العمل فهو لا يعرف هو و اهله سوي الركض وراء لقمة عيش سائق العربة " العربجي " لينالوا في النهاية الفتات و ان كان هو نفسه مطحونا مثل سائر بني البشر من طبقته و قد يبات اياما خواي الوفاض الا من قروش قليلة قد لا تكفي اسرته. و بينما هو شارد هكذا استيقظ علي صوت الجحش الصغير قائلا في لهفة و استغراب "عمو فهمان ليه ما جبتش اولادك يلعبوا معايا ".............

" يا نهار اسود و ليلة ما ليهاش صبح و كمان بتلعب براحتك و انت في السن دة" بالطبع تعالت هذة الصيحة في داخله مستغربا و لكنه رد بسرعة " يا حبيبي انا هنا ضيف علشان ادرس و اتعلم و ولادي هناك خلاص كبروا علي اللعب و بيشتغلوا و بيجيبوا خير" كان هذا الحوار القصير جدا كعاصفة ضربت فهمان واجتاحت تفكيره ........ كم انتم مظلومون يا اولاد البشر في بلدنا ؟؟ ............... اما تدرسون مناهج معقدة حتي العلماء في تاريخكم لم يدرسوها و ابسط حجة تطوير التعليم و في النهاية تحصلون علي شهادات قلما تعملون بها " هذا ان كان لها عمل اصلا" و تعملون منذ طفولتكم طأبناء الحمير بلا هوادة و لا رحمة لمجرد سد جوعكم ............ بينما حمير الغرب تتمتع بكل اشكال النعيم مما ينهبه بنوا البشر فيها من خيرات بلادكم.

افاق اخيرا فهما علي صوت رقيق يهمس في سعادة ............." WELCOME DEAR "..... مع حضن دافيء و قبله جعلته يحمر خجلا ( كسوف يعني ) ..........و فغر فمه عن اخره ..........و ردد هامسا مين دي وازاي يرد عليها و هولا يعرف سوي لغة البشر في بلاده و لا يتقن سوي لغة الحمير " بالطبع هي لغة عالمية لانه لا فرق بين حمار و حمار حتي لو كان وحشي "

و هنا انقذه صوت مضيفه من بلاد الغرب ......."حمد لله علي سلامتك..... ما تستغربش دي مراتي "

رد فهمان بصوت متلعثم " مراتك ......... ازاي ...... لية ...... و معقول ........ هو ينفع .......... يا نهار اسود "

ثم سقط مغشيا عليه !!!!

 افاق باعجوبة بعد ان شم كل انواع العطور و البرفانات الحريمي المستوردة و لكن هيهات ففي بلاد الشرق لا نفيق الا علي فحل بصل بلدي يدشوه فوق دماغ اي حمار يفوق في ثواني.

هحك مضيفه بصوت تردد في جميع انحاء المزرعة قائلا :

" يا ابني انت في بلاد العجب العجاب ثم انت فاكر ان العز اللي انا فيه دة من فين خاصة بعد ما زوجتي ماتت في حادث اليم فاشفقت علي الست و تزوجتني و كتبت كل املاكها لي و لابني ثم هنا الموضوع عادي لانه ما فيش دين او قيود او حظر علي اي شيء كله من الاخر سلطه بلدي زي اللي عندكم في بلادكم "

" يا حسرة يا ولداه علي شباب الشرق اللي علشان يتجوز يا يروح يشتغل زي البغل لسنين و سنين يا اما بقي يمشي في سكه من اياهم و يعرف يعمل كام باكو يستر نفسه بيهم و في الاخر طبعا يتسجن و يا سلام لو وقع علي ولية حيزبون زي دي و اتنيل اتجوزها طبعا اهله هيتبروا منه و يمكن يضربوه بالجزمة الا لو ماتت و ورث كل اللي حيلتها ساعتها هيرجعوه تاني و كأنه فتح عكا " همس فهمان بصوت لم تسمعه حتي اذناه.

ثم سقط مغشيا عليه مرة اخري ليس دهشة و لكن حسرة علي بني البشر في بلاده..........!!!!!!!!!!!!!

الفصل الثاني : الجولة الاولي: التعارف ( حمير الدرجة الاولي و الاكابر و الاعيان )

افاق فهمان في اليوم التالي بعد ان فشلت كل محاولات المضيف في افاقته من الصدمة لانها كانت اقوي من مخيلته و من تفكيره فقد يعجز تفكير حمير العالم باسره عن فهم طبيعت تلك المرأة وما تفكر فيه. افاق علي صوت الجحش الصغير يصيح في لهفة و فرح : قوم يا عمو فهمان الفطور جاهز في الجنينة .......... يلا بسرعة الضيوف قربوا يوصلوا !!! استغرب فهمان بشدة........ ضيوف اية علي الصبح هو انا لحقت استريح ......... و كمان عرفوا ازاي اني جيت هنا ؟؟

قام فهمان و استعاد نشاطة بعد ان رفس عدة رفسات سريعة اعادت الحيوية اليه من حافره حتي طرف اذنيه و ذهب الي مضيفه ليتناول طعام الفطور و هناك في الحديقة كان المشهد اكثر من مدهش بالنسبة اليه ....... حديقة غناء يكسوها العشب و تحيطها الاشجارمن كل الجوانب و في وسطها برجولة ( مظلة كبيرة ) يتوسطها نافورة من الماء بها حوض مغطي بالسيراميك اللامع ليشربوا منه و قد جهزت احواض خاصة للطعام لكل حمار فيهم وقد وضعت فيه الوان الطعام التي تشتهيها نفس اي حمار........ افخر انواع الاعلاف و الفول و التبن و الحشائش الطازجة و كل منها مغلف بغلاف رقيق لم يراه من قبل!! ردد فهمان في عقله : العربجي ابن العربجي كان بيرمي البرسيم علي الارض لحد ما ينشف و الحمار فينا يقعد ياكل فيه بالتراب زي ما يكون بياكل في اخر زاده و مبسوط و منشكح و لما ربنا يكرمه ويجيب شوية تبن يحطهم في قفة مقطعة وقديمة قدم الاهرامات موش علشان ياكلوه نضيف لاء بس علشان ما يقعش علي الارض و ما يعرفش يلمه اما عن الشرب فحدث ولا حرج في جردل مصدي ما ينفعش غير للزبالة........ اهو دة العز و لا بلاش.

افاق علي صت عالي بعد ان دخلت جمهرة من الحمير مختلفة الاشكال و الالوان و لكنها اتفقت علي المظهر النظيف و الشكل الذي يوحي بأنهم من علية بني الحمير. هنا مال فهمان علي مضيفه هامسا : هو مين دول ؟؟ و كمان يعرفوني منين؟؟ و ازاي عرفوا اني وصلت ؟؟ ... ضحك المضيف قائلا : هو في حد يعرف يستخبي في العالم دة يا فهمان ... كلة بيتنشر في ثواني علي النت من خلال الحمير بوك.

قال فهمان : اية .... حمير بوك ..... انا سمعت مرة واحد افندي من المتعلمين عندنا بيتكلم عن حاجة اسمها الفيس بوك بيستخدمها البشر في التواصل وازاي ان فيه ناس زي ما بتستغلها في الخير و الاراء الجادة اللي بيها قامت ثورات غيرت مجري تاريخ البلاد و اللي بيها عرف شباب بسيط ما لوش اي توجه سياسي او مصلحة خاصة في انه يسقط انظمة مستبدة حكمتهم لسنين طويلة كمان فيه شباب تافه بيستغلوها في اعمال و الوان من التفاهات لا حصر لها و كان متضايق جدا من كدة ........ فمن صور خليعة لكلام خارج لمراسلات و مواعدات خارجة عن الادب و الزوق لفضايح لكل من هب ودب .......... هو الحمير بوك دة زي بتاع البشر ؟؟

رد المضيف: لاء طبعا انت يا فهمان احنا موش زي البني ادمين ........ افهمك الوضع اية ,الاختلاف بينا وبينهم كبير جدا ...... ربنا خلق فينا الغريزة موش الشهوة و بكدة عمرك ما تشوف حمار بيعاكس حمارة و لا يتحرش بيها و لا يديها ميعاد من ورا اهلها و لا حمار يضحك علي اخوه و يحط صورة غير صورته او بيانات مضروبة علشان يستغله لاي غرض ثم ربنا خلق فينا القدرة علي التعلم من البشر و احنا عرفنا نوصل لحلول كتير اولها ان الموقع دة للتواصل و لازم تكون في مجموعة مشرفة علشان ما يندسش حد وسطينا يقول اي كلام مغلوط ممكن يكون فتنة و يفرق ما بينا , ثانيها اننا ببساطة ممنوع عندنا الهزار و التهريج الا في حدود بسيطة ممكن تكون سخرية علي وضع مغلوط او شيء منتقد في المجتمع و برضة بتخضع للاشراف.

رد فهمان: كد انا فهمت اي سر صراع البشر ... الشهوة من جنس لحب المال و السلطة و التظاهر وكلها ربنا عافانا منها     

رد المضيف : فعلا كدة انت عرفت حقيقة البشر ......... نشوف الضيوف و الفطار

هنا بدء التابعون من البشر بفض اغلفة الطعام و قبل بدء تناوله قام المضيف بالقاء كلمة التعارف بلغة حميرية فصحي....

اقدم لكم يا اخواني من صفوة بني حمير الغرب اخونا فهمان من بلاد الشرق الذي قام برحلة طويلة و شاقة لكي يتعلم منا قوانين و مباديء دولة الحمير الحديثة و يعرف و يري و يتعلم منا كيف يغير في اهله و مجتمعه ويجعله الافضل و الارقي  ...... و اسمحوا لي ان اعرفه بكم ........ فانتم صفوة القوم من بني الحمير ليس بالسلطة و لا بالمال و لا بالمنصب و لكن بالعلم و العقل و القدرة علي افادة المجتمع الحميري فانتم من تطوعتم لكي تسترجعوا حقوق حمير العالم اجمع و ذقتم في سبيل ذلك الويلات من ضروب التعذيب و السجن لسنوات حتي حركتم المياة الراكدة و ثار الحمير ضد من ظلموهم منذ ان خلق الانسان. لقد خلقنا الله لخدمة البشر لاشك في ذلك لكنهم انكروا هذة النعمة و اهانونا و اثقلوا علينا و اعتبروا صمتنا و صبرنا غباء و بلاهة و لا مبالاة و هم لا يدركون ان الخالق الذي خلقنا و خلقهم وضع لكل منا رسالته و قوانينه فلنقسم جميعا ان نكمل رسالتنا بعد ان نسترد حقوقنا و احترامنا الذي فقدناه علي يد بني البشر و ان نعمل و نجتهد لخدمة البشر ولكن بكل مودة و تقدير و احترام.

صفق الجميع لهذة العبارات الرائعة  واعتبروها اول قانون يجب ان يسيروا علي نهجة و هو اداء رسالة الخالق التي خلقها لهم و هي العمل و الاجتهاد في خدمة البشر ثم صمت الجميع وبدء الافطار في هدوء

اما فهمان فقد طاف بخياله عائدا الي بلاده ........ يا سنه سودة علي دماغي و دماغ اهلي هنرجع للذل تاني ونخدم البشر دول لما قاموا بثورة و خلصوا من الظلم و الاستبداد و بعد ما هديت الامور رجعوا يقطعوا في بعض وكأن بينهم تار بايت ... اعتصامات و مطالب خاصة لكل فئة فيهم و لازم علشان يفضوها يا اما تتحقق او يحصل اشتباك بينهم و بين بعض يضيع فيه ضحايا كتير ... و كمان صراع علي السلطة و فتنة من كل شكل ولون و كل شوية اعتراض كل قرار و محاكمات للفاسدين لا ترضي عقل اي جحش مننا ........ و في الاخر عمنا يقول نرجع نخدمهم تاني ...... دول بقي في بلدي لو حصل كدة موش بعيد يسحلونا و يكهربونا و يطلعوا البلا علي جتتنا ......... روح يا شيخ سممت اللقمة اللي كنت هاكلها ...... ولا اقولك خسارة الواحد يمكن لو رجع ما يلاقيش زيها تاني في حياته ...... اما اللي كنت فاكره هدية معتبرة الحق اداريه ولا ارميه قبل ما اتفضح ....... ثم اطبق فهمان علي الطعام كأنه سرب من الجراد جاء مسافرا عبر صحراء ثم وجد حقول البرسيم.

الفصل الثالث : من انتم ؟؟؟ ( اعرف تاريخك لكي تعرف مكانتك )

 في المساء جلس فهمان و مضيفه سويا يتسامران بينما يركض الجحش الصغير حولها في كل مكان و هنا سأل المضيف فهمان سؤال: هل قرأت قبل ذلك تاريخ البشر ؟؟؟

فغر فهمان فمه كالعادة فهو لا يملك اجابة ولكنه اجاب في ثقة الجاهل ...... ولماذا اقرأه او اعرفه حتي ؟؟؟؟ ألا يكفي ان اتعلم تاريخ الحمير ان كان لهم تاريخ من الاصل ؟؟؟؟ طيب ليه اتعب نفسي و هستفيد اية ؟؟؟

قال المضيف : تعرف يا فهمان اية الفرق بين الشرق و الغرب ؟؟

رد فهمان : اكيد ...... الشرق اتجاه طلوع الشمس و الغرب اتجاه مغيبها !!!!!!!! دة انت لو سألت اي جحش يجاوبك !!

قال المضيف : هي دي مشكلتكم يا اهل الشرق ......... تجاهل الحقائق , و نسيان التاريخ , و عدم مراجعة ماضيكم

رد فهمان : اية يا عم انت كبرتها قوي كدة ليه ...... ما هو الكل عايش بشر و حمير و ليه نتعب نفسنا في تقليب الماضي ما ندور علي اللي جاي احسن ؟!

قال المضيف : لا يمكن الحمير في يوم من الايام يعيشوا زي البشر في صراع علي كل شيء لكن في كتير من البشر عايشين زينا و يمكن اقل و معظم سكان الشرق اللي موش بيدوروا علي تاريخهم الصحيح و حضارتهم اشبه بينا لاننا بلا تاريخ و بلا مستقبل سوي الرسالة اللي خلقنا الله لها.

رد فهمان : بلاش تتفلسف علي وحياة ابنك اللي بيبرطع في كل حته لحد ما خرم نافوخي بالنهيق و الرفس بتاعه, يا ريت تدخل في الموضوع .

سأل المضيف : قبل ما نتناقش في الموضوع ..... تعرف عمر العالم الغربي الحديث كام ؟؟ و حضارة الشرق كانت اية و عمرها كام.

رد فهمان : انا ممكن افيدك في موضوع حضارة الشرق لاني اشتغلت شوية في السياحة جنب الاهرامات و دي طبعا العالم كلة يعرف تاريخها و اكيد دي دليل علي حضارة قوية و كمان شفت الازهر و الحسين و البرج في مصر .

ضحك الضيف يصوت عال اشبه بالرعد .................

صاح فهمان : اية يا عم هو انا قلت نكتة ؟؟؟

رد المضيف بصعوبة بالغة : اكتر من مليون نكتة في قلب بعض ؟؟ اللي قلته هو اللي ضيع الشرق بكامله و هو نفسة اللي بني الغرب باكمله.

احتار فهمان و غلب حماره ( طبعا هو اللي غلب لانه حمار ) و تسأل : دي فزورة صعبة قوي علي حمار غلبان زيي.

قال المضيف : لا فزورة و لا لغز اشرحلك بس يا ريت تركز و تديني ودانك ..................

حضارة الشرق لا يستطيع احد ان يعرف ابعادها و لا مداها فهي اقدم الحضارات و تعتبر لغزا من اصعب الغاز التاريخ فحضارات بابل واشور في العراق و الفراعنة في مصر و سبأ في اليمن كانت من اعرق الحضارات و قدمت للبشرية الكثير ثم اندثرت و اصبحت اطلال و ظهر العرب ثم الحضارة الاسلامية التي امتدت من بلاد الصين حتي اسبانيا و جنوب اوروبا وو اواسط افريقيا فكانت اكبر و العظم الحضارات علي مر العصور و للاسف اقول كانت لانها اصبحت ايضا مطمعا للغزاة و الطماعين و المحتلين الي جانب اطماع الحكام في السلطة فلم يحافظوا علي كيان الحضارة و الدولة الاسلامية و ما ان بدء التقسيم حتي بدا نجم الدولة الاسلامية في الزبول فتقسمت ارجاء الدولة الاسلامية و تمزقت الي اشلاء و دويلات فالشرق يا اخي منبع الحضارات و مهد الديانات السماوية كلها ولكن هذا جعله مطمعا لكل المحتلين الغربيين الذين استطاعوا ان يمزقوا خريطة الدولة الاسلامية و العالم العربي بقانون فرق تسد معتمدين علي اطماع الحكام و نزواتهم و ايضا ضعف الشعوب الذين ابتعدوا عن دينهم و علومهم و حضارتهم التي قدمت نهضة العالم كله في شتي الفروع و المجالات من الطب و الهندسة و العلوم الكيمائية و الزراعة و الصيدلة و غيرها من مباديء العلم الحديث. و الكصيبة التي يعيشها الشرق الان انهم يبكون علي الاطلال و خراب الديار و يمجدون اجدادهم و حضاراتهم القديمة و الادهي انهم مثلا يقولون ان اجدادهم بنوا الاهرامات .... و لكنهم لا يحاولون بناء حضارة جادة حديثة بل يقلدون الغرب تقليدا اعمي و لا يتركون من يحاول منهم البناء و الرقي بالمجتمع يعمل بل يتهموه و يعرقلوا خطاه خاصة لو كان من الذين يحملون راية الاسلام الحقيقية في الدين و العلم و النهضة الحقيقة فكيف تنفعهم الاهرامات و الفراعنة في زمن اصبح تدمير دولة بضغطة زر.

نظر المضيف الي فهمان فوجده في اشد حالات الدهشة و الزهول حتي انه خاف عليه من الصدمة و لكنه اكمل حديثه ...

اما عن حضارة الغرب فهي حضارة لم يتجاوز عمرها 300 سنة ولكنها بنيت علي انقاض الدول المحتلة و دماء شعوبها و امتصاص خيرات الشرق خاصة من النفط الذي يتدفق في صحاريها فبدأت الحضارات الغربية المتهالكة في اوروبا ارسال جاليات لها من الخارجين عن القانون و بنات الليل الي جانب رجال من الجيش و اخرون مرتزقة و تلك كانت اول بذرة لحضارة عرفت كيف تمتص دماء الشعوب و تستعبدهم حتي صار احتلالهم فكريا و عقليا و سيطروا علي الشرق حتي  وصلنا الي عهدنا الحالي الذي صار فيه الغرب مسيطرا علي العالم بينما يتواري الشرق خلف استار حضاراتهم القديمة.

هنا نطق فهمان اخيرا معقبا ............... ياه يعني الشرق كان في يوم من الايام سيد العالم  و دلوقتي اصبح في خبر كان ....... عجبي عليك يا انسان الشرق ماسك في قديمك ونسيت طريقك لبكرة ...... ياريت تعرف مقامك و تعرف عن عدوك فكرة ....... يا ريت ما تقولش كان و كان ...... و تعرف ان اللي كان موش هينفعك غير للفرجة و موش هخلي لك في زمانا مكان .......... اعرف ان قوتك في دينك اللي يجمعك حواليه ويوحدك تحت رايته وقائد حقيقي يتمسك بيه.

خيم صمت بعد هذة الكلمات علي الجميع .......

ثم قال المضيف : اكيد انت تعبت يلا بينا ننام

رد فهمان : متخيل اني هيجيلي يوم .... و ناس الشرق معجون تاريخهم بالهموم ...... الحمد لله اني حمار لاني لو انسان ياكنت هطق يا كنت في زماني هحتار.

الفصل الرابع : يا اهل المغني دماغنا وجعنا ......... دقيقة سكوت لله.

دخل فهمان في النوم و هو حائر كيف عرف صيدقه المضيف كل هذا و لماذا يهتم الغرب بمعرفة تفاصيل تاريخ الشرق بينما اهل الشرق انفسهم قد لا يهتمون به ؟؟ ثم غط في ثبات عميق لا يقطع صمته الا الشخير المريع الذي يوقظ الضمير الميت.

استيقظ فهمان في الصباح مفزوعا علي صوت اشبه بانفجارات متتالية و كأن احدهم قد فجر سلسلة من القنابل فوق رأسه....... جري الي الحديقة ليعرف ماذا يحدث و هنا بدء يوم جديد من المعرفة بأهل الغرب و جنونهم !!!!!!!!

نظر بدهشة الي صاحبة الدار و هي تقفز و تتشقلب و كانها انثي غوريلا في اعالي الغابات او انها احدي سيدات الحواري بمصر في دقة زار بلدي و قد مسها الشيطان بكل انواع الجنون وقد تعالت الاصوات و الصيحات الي حد دمر طبلة اذنه

سأل صاحبه : هو فيه اية ؟؟

رد المضيف : يا سيدي الست كل يوم علي الصبح تصحينا علي صوت غارة من موسيقي الغرب المزعجة و فضل تلعب رياضة و تتنطط لحد ما حيلها يتهد و بعدها تدخل تفطر و تخرج لحال سبيلها لحد الليل .

سأل فهمان : و هو كل الاغاني كلها هنا كدة ؟؟

رد المضيف: طبعا لا و ان كان معظمها زي كدة و العن يا فهمان الفن في الغرب اما بيعتمد علي الخيال و الفانتازيا او الاثارة و العنف و حتي الافلام الرومانسية الجميلة دايما بتبقا قصصها قديمة و مرتبطة بحاجات تاني كتير لكن الاغاني قليل منها الحلو و الباقي خبط ورزع و اما انت اكيد ودانك اخدت علي النغم الشرقي الاصيل و الحان الشرق العذبة و علشان كدة مستغرب.

رد فهمان : النغم الاصيل كان زمان يا صحبي دلوقتي اصبح في خبر كان

تسأل الضيف في دهشة : ازاي .......... اقولك تعالي نحكي و احنا بنتمشي و نريح دماغنا شوية من الولية المجنونة دي

 هكلمك عن حال الغرب في الفن و الاغاني و الموسيقي و انت تكلمني عن حال الشرق ........

طبعا الغرب الحالي بيتسم بالسرعة و الصخب في كل شيء الايقاع سريع و النغم عالي و الكلمات غير مفهومة و كأنهم يحدثون شياطين الارض اما الافلام اما رعب او فانتازيا او افلام عنيفة كلها دم و قتل و افلام تانية خيالية لابعد الحدود و بتتكلم عن مخلوقات فضائية و وحوش بتهدد كل شيء طبعا في كل العنف دة تلاقي الخطر دايما بيبدء في تهديد الغرب لانه محور الكون و بعدها يظهر ولد او بنت هما بقي اللي بيخلصوا علي التهديد دة و تلاقيهم دايما من يهود الغرب يعني رسالة نفسية موجهه للشرقين بان الغرب هو مصدر الاهمية الوحيد في الارض و اللي من غيره الكون ما يساويش بصلة و انه كمان مصدر الانقاذ الوحيد علي يد يهود الغرب و ابطالهم الخارقين, اما بقي الافلام الرومانسية فبتبقي اي بقي حاجة كدة ما ليهاش طعم و لا لون و معظمها بيحتوي مناظر قبيحة تقرف انك تبص ليها من الاخر الاعلام الغربي رسالة اشبة بالصواريخ العابرة للقارات اما الهلاك لو ابيد الغرب و لن ينقذ العالم سواه او عنف و اباحية و انحطاط اخلاقي و للاسف هما دول واقع التفكير الغربي و اخلاقه و للاسف الشرقيين مستمتعين بمشاهدة الافلام دي و كانها سحر لان سينما الغرب لا تبخل في تكلفة الافلام فمنها ما يصرف مليارات و يحقق اضعاف اضعاف ذلك ........... اية رأيك يا فهمان ؟؟

رد فهمان : كلامك معقول و ان كنت ما اعرفش عن سينما الغرب غير افلام الكاوبوي و المغامرات .........لكن احنا في الشرق الوضع مختلف بس موش كتير قوي لان تأثير الحضارة الغربية و الانحلال الاخلاقي ليه صدي كبير عندنا فتلاقي الفيديو كليبات اللي اشبة باستعراض ملابس داخلية و كلها رقص و تنطيط و كلام فارغ شبة دقة الزار البلدي و الافلام الهابطة المستفذة كتير و حدث ولا حرج لا قصة و لا سيناريو و جوار ركيك كله كلام قبيح بينشر الرزيلة و قله الادب و طبعا دي هي الحاجات اللي بتلاقي سوق في البلاد عندنا خاصة في الطبقة الشعبية والعشوائيات و سواقين الميكروباص و اشباههم و علي النقيض فتراث الشرق من الالحان الاصيلة و الكلمات و الفن الراقي كبير جدا و كتير متمسكين بيه ولا يمكن يندثر لان الشرقيين بطبيعتهم بيحنوا للاصل و الماضي الجميل و اكيد هيجي يوم و موجة الغناء و الفن الهابط تموت زي ما ظهرت فجاءة لانها بكل بساطة تعبير عشوائي عن الكبت و القهر اللي فيه اهل الشرق, بس اكتر حاجة عجبتني في موجة الفن الهابط اغنية اية بقي روعة و اكيد الغرب كله ما يعرفش  يكتب حرف منها ........ اغنية بتعترف بكل جمايلنا علي بني البشر و تقديرهم لينا و موش عارف لية ناس كتير كانوا بينتقدوها و بيعتبروها اسفاف رغم ان فيها اجمل معاني الارتباط بين الانسان و الحمار ..................... بحبك يا حمار.......... بذمتك حد عملها عندكم ؟؟؟

رد المضيف : تصدق لا ..........اية رأيك نخليها السلام الوطني لدولة الحمير و نكرم المغني بتاعها و نديلة الجنسية الشرفية كأول حمار غني للدولة.

ضحك الجميع ثم ذهبوا جميعا في جولة بالحدائق المجاورة ليتنفسوا الهواء النقي.

الفصل الخامس : قانون انتيكا في بلاد البولوتيكا.

مرت ايام عديدة و فهمان يتناقش و يفهم الكثير عن بلاد الغرب ولكنه لم يخرج ليري واقعها فكل ما يعرفه عنها حتي الآن وجده بين طيات الكتب و المقالات و قد وجد اهل الغرب علي درجة عالية جدا من المثالية و كأنهم يعيشون في المدينة الفاضلة ......... القانون فوق الجميع و تحت مظلته يعيش الكل في احترام و تقدير بلا تفرقة علي اي اساس فلا واسطة او محسوبية لاحد علي حساب الاخر , اما ادارو البلاد فتقوم علي اساس ديموقراطي سليم لا تشوبه شائبة فلا غش و لا تزوير, و عن الحريات فحدث ولا حرج تستطيع ان تفعل ما تشاء وقتما تشاء ما دمت لا تعتدي علي احد......... هذا هو الغرب كما تصوره كتب و مقالات كتاب الغرب صورة مثالية متناغمة الالوان تذوب فيها كل الفوارق الاجتماعية و المادية ... كيان قوي مترابط تتحد عناصره كلها لتجعله لا يقهر........فكيف يكون الواقع ؟؟؟؟ هكذا سأل فهمان نفسه ؟؟؟

استيقظ في الصباح الباكر كالمعتاد علي صوت طبول الحرب التي تطلقها الساحرة الشريرة التي تشبة رموز الرغب و الفزع عند كل الحضارات القديمة ...... قرر فهما النزول الي الشارع و رؤية تفاصيل المجتمع الغربي عن قرب فذهب الي مضيفه قائلا : اية رايك النهاردة ننزل للشارع و نتفرج اهل الغرب بيعملوا اية في حياتهم ؟ وهل فعلا هما عايشين في سعادة و هنا و امان علي طول ؟؟ و هل كل واحد فيهم بيحترم التاني و بيحترم القانون ؟؟

ضحك المضيف ضحكة عالية مجلجلة دوت في ارجاء المزرعة كهزيم الرعد قائلا: يا ابني انت مجنون و لا حكايتك اية ؟

تسأل فهمان : يا عم موش انت اديتني كوم الكتب دي اقراها و طلعت عيني و وداني طولت اكتر ما هي طويلة لحد ما خلصتها ......... يبقي موش فاضل غير الواقع العملي اني اشوف كل شيء علي الطبيعة ....... لايف يعني !!

رد المضيف: هي الحكاية كدة بقي .......... دة انت طيب و علي نياتك قوي ...... اللي في الكتب موش كله صدق و واقع بالاصح فيه نوع من التضخيم الاعلامي  و الدعاية لاهل الغرب علشان يظهروا بالمنظر اللي انت رسمته في خيالك و اللي اي واحد شرقي ممكن يتخيله لو ما قدرش يوصل لحقيقة الغرب الفعلية.

سأل فهمان : و اية الحقيقة يا ناصح ؟؟

رد المضيف : انا لفيت البلاد كتير قبل ما تقابلني الكارثة اللي انت شايفها و بغض النظر عن العز اللي ممكن تتصوره فكل دة قشرة مزيفة زي واقع الغرب بالضبط .......... افتح ودانك و قبلها مخك معايا علشان تعرف الحقيقة بعدها ههنزل في الشارع و هوريك اية اللي تحت القشرة اللامعة اللي انت متخيلها من خلال الكتب و الاعلام الغربي.

الغرب بكل بساطة زي برج كبير من الصلب القوي مغطي بطبقة خارجية من اجود انواع الزجاج اللامع البراق تخطف الابصار بس كل دة اجوف من الداخل و اقل صخرة في مواجهه الزجاج دة تكشف الحقيقة.

رد فهمان بغيظ : يا سلام ....... نورتني و الله .... ممكن توضح يا فصيح زمانك تقصد اية ؟؟

رد المضيف : بسيطة .......... دولة الغرب قدرت و بكل بساطة ترسم عن طريق الاعلام بتاعها صورة مثالية عنها بداية من السياسة الخارجية و تعاملها مع اي دولة في العالم الي قوانينها الداخلية و حمايتها لكرامة الانسان داخل و خارج حدودها بس كل معظمه صورة مرسومة و بيحاولوا يقنعونا انها حقيقية مية في المية ......... شوف يا سيدي نحكي الاول عن الداخل شوية .............................

الصورة المرسومة انهم بيحموا الاقليات عندهم و الواقع اشد حالات التفرقة العنصرية و طبعا دة موش بيبان قدام الناس بس الاصل ان البلد متقسمة و كل واحد عايش ما دام بعيد عن اي حد تاني يعني الزنوج و الاسيويين و الهنود وغيرهم كل مجموعة شبة مستقلة عن التانية , كمان هما رسموا لينا الحرية المطلقة في كل شيء في ظل القانون بس الحرية عندهم ممكن تكون في المظهر او الاخلاق او التصرفات الشخصية او حتي الدين و العبادة كل واحد حر بس يكون في اطار احترام النظام العام ........ مثلا تلاقي واحد او واحدة ماشيين شبه عرايا هما حرين ........ بس المهم يقفوا في اشارة المرور و ما يرموش زبالة في الارض ........ ممكن تلاقي واحد ماشي سكران هو حر ........بس المهم ان ما يسوقش عربية علشان ما يخبطش حد ........... شعب من الاخر له قانون و نظام لكن مليان بالانحلال و انعدام الاخلاق و العشوائية  و الهمجية و الجريمة من كل نوع منتشرة في كل مكان حتي  الاماكن الراقية فيها كل انواع المحرمات.

شعب مليان طبقية و انحلال و همجية و جريمة ................. لكن الميزة الوحيدة ان الكل بيحترم القانون في الظاهر و بينتهكه بكل معانيه في الباطن.

سأل فهمان : طيب ما الطبيقية و الانحلال ممكن يكونوا في اي شعب ؟

رد المضيف : اكيد ....... لكن الفارق ان الشعوب اللي عندها اخلاق ودين بيبقي الانحلال محارب من كل الجهات و التفرقة بين الاجناس غير واردة علي العكس اي شعب كتمسك بدينه الحق اللي انزله اليه رب السماوات هيلغي كل الفوارق الطبقية و العرقية ......... يا اخي دة حتي شعبنا من الحمير عمره ما فرق بين حمار حصاوي و لا بلدي ... مستأنس و لا وحشي ....... ابيض و لا بني و لا اسود ......... كلنا من الاخر حمير ولاد حمير

رد فهمان : يعني هما شعب بكل بساطة بيرسموا المثالية في كل شيء عن طريق الاعلام الموجه بتاعهم علشان يقنعوا العالم انهم دعاة الفضيلة و الشرف في جين انهم منبع كل الفساد و مهد المحرمات.

رد المضيف معقبا : الله ينور عليك ............ بس كله بالقانون ........ الكلاب تاكل لحمة و يا عيني علي الكلب اللي في الشارع يروخ ملجاء للحيوانات الضالة في حين ان ملايين البشر في بلاد الغرب و باقي بلا العالم بياكلوا من الزبالة ...... تلاقي الغرب يتهز كله لو لقي واحد ملتحي لو اصله شرقي علي طيارة و يطلعوا عنيه علي اساس انه ارهابي متطرف لحين يثبت العكس و يقولوا بيحموا الاقليات ......... يسمحوا بعبادة الشيطان و يقوموا و ما يقعدوا لو كبر أذان بصوت مسموع لانه ازعاج......... و يقولوا بيحموا الاديان ............ زنا و اغتصاب و سرقة وقتل ....... ويقولوا بيمنعوا الجريمة .......... سجن ابو غريب و معتقل جوانتناموا بكل ما فيهم من الوان التعزيب و انتهاك حرمة الانسان و يقولوا انهم بيحموا حقوق الانسان ........... دول شعب ممكن يكون عندهم نظام اداري و قانون بس الاكيد ما عنهمش لا دين و لا اخلاق و لا مباديء و لن يستقيم القانون بدون دين ولن يصلح نظام بدون اخلاق......من الاخر قوانين شبة الانتيكا قيمتها في حفظها والحفاظ عليها من التلف موش في استعمالها.

سأل فهمان : لية المواطن اللي بيحمل جنسية الغرب او معاة جواز سفر غربي بيضربوا له تعظيم سلام في العالم كله و محدش يقدر يكلمه ؟؟؟

رد المضيف مبتسما : ده عندكم انتوا بس في بلاد الشرق علشان انتوا غلابة و بينضحك عليكم بسهولة و كمان بتقدروا الضيف اللي يجي عندكم بس الواقع انه جوة بلدة اقل من اي واحد ماشي في الشارع عندكم و في باقي بلاد العالم مواطن عادي له حقوقه و كمان لازم يلتزم ....... الفارق اللي تحس بيه فعلا ان اي مشكلة تحصل لمواطن غربي في اي حته في العالم تقوم الدنيا و ما تقعد لان البلد بتاعته لازم يكون ليها هيبة بين العالم و الكل يهتم بحل المشكلة بس الشرق بقي الاعلام بتاعه ما يتوصاش لازم يحط كل العدسات فوق الموضوع و طبعا بهارات الاعلام و اللي انت عارفه من الحبكات الاعلامية اللي شبة الافلام الهندي اللي تخلي اي مواطن بسيط يحس ان اساطيل الغرب و اسرابه الجوية هتدخل عليه الحمام لو قال لواحد غربي صباح الخير و هو قرفان من شكل اهله. يعني المواطن الغربي عادي جدا في بلده بس كرامته من كرامة بلده في الخارج غير الشرق المواطن مطحون جوة و ضايع برة.

رد فهمان : معاك حق ........... طيب دي الداخل طيب و الزعامة العالمية و السياسة الخارجية ؟؟

رد المضيف : كدة كفاية و بلاش نكمل باقي اليوم في غم انا عازمك علي اكلة شعير معتبر و بعدها نرتاح و نكمل بكرة.

الفصل السادس : زعيم الاونطة.

كان عقل فهمان يدور بسرعة تفوق خياله الحميري فلماذا يصنه الغرب كل هذا و كيف اصبحوا زعماء العالم و هم بتلك الاخلاق وهذا المجتمع المنحل و كيف لعصابة من الارستقراطيين و معتدي الاجرام و الجنود المرتزقة الذين جاؤا اعمار الغرب في بداية الامر و ابادوا شعبها الاصلي عن بكرة ابيه فلم يبقي منه الا شرازم متفرقة في انحاء البلاد, ان يبنوا تلك الحضارة في اقل من 200 عام وعلي اجساد من استعبدوهم من زنوج افريقيا الذين خطفوا من سواحلها و تم ترحيلهم و معاملتهم باسواء ما تعامل البهائم بل علي العكس كانوا يعاملون انعامهم افضل لانها مصدر خير لهم في حين ان حضارة الشرق كلما مر الوقت تذبل و تتلاشي رغم كل المباديء و القيم التي بنيت عليها ؟؟؟؟؟؟ كيييييييييييف صرخ عقل فهمان في صمت ثم غط في ثبات عميق بعد ان انهكه التفكير بلا جدوي.

استيقظ فهمان في وقت مبكر ولمنه لم يسترح فقد كان احوال الشرق و الغرب تؤرق فكرة و بعد ان تناول افطاره في صمت اشبه بصمت القبور منتظرا ان يبدء مضيفه في سرد باقي القصة عن وصول الغرب الي الزعامة المطلقة للعالم و بعد لحظات قليلة مرت كأنها عقود طوال سألة المضيف : انت نمت كويس ؟؟

رد فهمان : انا نمت زي الحمار من كتر التعب و التفكير في اللي قلناه امبارح. انت دخلتني في دوامة.

ضحك المضيف : انت نسيت ان احنا فعلا حمير ؟ّ! ثم انت معاشرتك لاهل الشرق خلتك زيهم بتدور علي الظاهر و بتنخدع بالمظاهر و موش بتتعب عقلك في التفكير و البحث عن الحقيقة رغم انها واضحة زي ودان الحمار.

اجاب فهمان : الناس في الشرق بسطاء و معطمهم لا ليه في اللي راحت و لا اللي جات و بيجري و را لقمة عيشه و بس و بيعيش زي ما بيقولوا جنب الحيط علشان يربي عياله و حتي الاغنياء منهم بيريحوا دماغهم من التفكير و موش بيفكروا غير في المتعة و ازاي ثرواتهم تزيد.

سأل المضيف : بس انت نسيت اهم طبقة فيهم ...... عارفها و لا لاء ؟؟

رد فهمان : قول انت يا فالح با حكيم زمانك انا خلاص مخي تربس .

رد المضيف : القادة و العلماء و العارفين ............ و دول اما يكونوا في اذيال الغرب و اما يروحوا في خبر كان او يتم اضهادهم و تهميشهم ووضعهم في السجون و حتي اللي بيقدر فيهم يعدي من كل دة لازم يترمي في حضن الغرب لان بلاده موش بتقدر لا علمه و لا فكرة ........... و القادة بقي دول بينفذوا كلام الغرب بدون نقاش اقتناعا منهم ان هي دي المصلحة.

بس دة موش موضوعنا ........... رد فهمان

اجاب المضيف : انا عارف بس لازم تكون فاهم الحقيقة بس ننتظر شوية لحد ما تفهم واحدة واحدة

رد فهمان: يا ريت .............قول بقي و سمعنا يا عم !!!!!!!!!!!!!!

اراح المضيف جلسته وقال في هدوء : اول حاجة لازم تعرفها ان العالم ما كنش كدة من زمان بالعكس في عصر قريب و بعد الحرب العالمية الثانية ظهرت حرب التسليح الصامت او الحرب الباردة و كان العالم فيه قوتين عسكريتين و اقتصاديتين قويين بيعملوا شبة توازن بين الشرق و الغرب و كان معظم بلاد الشرق الاوسط حليف للكتلة الشرقية و ايامها كان فيه زعماء و قادة حقيقين و كان فيه ناس فعلا فاهمة يعني اية سياسة فبكل بساطة ما كنش فيه فتوة فارض سيطرته علي العالم بالرزالة دي لان كان فيه اللي يرد عليه و دي كانت البداية علشان يستطيع الغرب يفرض سيطرته و هيمنته علي العالم و ينصب نفسة راعي الفضيلة و السلام و زعيم القوي العسكرية و السياسية و الاقتصادية كان لازم يعمل ثلاث حاجات مهمة و هي يا سيدي الآتي :

اولا : ازاحة القوة الشرقية و تفكيكها الي الابد الي دويلات صغيرة متصارعة لا تستطيع الصمود منفردة و دة تم بتفكيك الاتحاد السوفيتي و اللي كان بيمثل العدو اللدود للغرب.و كمان زراعة الخلافات و الفتن و البقاء عليها في دول الشرق الاقصي علشان ما تتحدتش و تكون تحالف قادر علي الوقوف في وجه الغرب.

ثانيا : السيطرة علي الشرق الاوسط  و ثرواته خاصة بعد ظهور البترول فيه و اللي بيعتبر اخطر و اهم سلاح استرتيجي في العالم. وضمان ان الشرق الاوسط يكون تابع ليه و ما يظهرش فيه جيل مناهض لسياسة الغرب و حتي لو كان معادي لهم بل علي العكس استقطاب كل القادة و الزعماء و اصحاب الفكر لهم و السيطرة عليهم بالزوق و المصلحة او بالقوة ان لزم و دة بقي موال كبير نشرحه في مرة تانية.

ثالثا : دعم اسرائيل و مساعدتها علي تقوية كيانها الصهيوني سياسيا و عسكريا و اقتصاديا علشان تكون ببساطة شوكة في ظهر وقلب العرب و دة موش لمجرد الخلاص من العرب لكن علشان شئ مهم و هو ان الاقتصاد الغربي قائم اساسا علي رأس مال يهودي و بكدة تكون مسمار جحا اللي بيه يقدروا يكون ليهم يد في قلب الشرق الاوسط بيها يهددوا دول المنطقة كلها.

و بكدة يا فهمان تكون سياسة فرق تسد هي الاولي و سياسة القطب الاوحد هي الثانية في دعم سيطرة الغرب و فرض زعامته علي العالم ...... من الاخر و علي رأي و لاد البلد " يا فرعون لية اتفرعنت قال ما لقيتش حد يلمني" يعني من الاخر شغل اونطة و دعاية لان ما فيش حد قادر علي المواجهه نظام فتوات الصوت و الصورة موش القوة و الاخلاق.

احس فهمان انه غارق في بحر هائج من الافكار فسأل : طيب تفكيك الاتحاد السوفيتي و فهمتها و كمان دعم اسرائيل و فهمتها ............ طيب ازاي يخلوا الشرق الاوسط مهد الحضارة و التاريخ تابع ليهم ببساطة كدة ؟؟؟

ضحك المضيف ضحكة مدوية اطاحة بما بقي في ذهن فهمان من قدرة علي التفكير في هدوء فصرخ فيه : بلاش تغيظ فيا بضحكتك دى اللي شبة ضحكة الكفار في الافلام العربي القديمة و فهمني بتضحك عليا لية ؟؟

رد المضيف : لانك بقيت شبة البشر يا فهمان مستعجل و موش صابر علي فهم الحقيقة و كمان بتظن في واحد من بني جنسك السوء رغم انه بيحاول يفتح عينيك و ودانك و مخك الحميري لحقيقة الدنيا.

صمت فهمان خجلا و قال بابتسامة هادئة : بلاش تقول شبة البشر تاني لان ربنا خلقنا علي فطرة العبادة و العمل و ليس النزاع و سوء الظن بس اعمل اية عشرتي للبشر خلت عقلي طار و بقيت حمار ابن حمار.

رد المضيف : خلاص تعالي نتمشي شوية و نبرطع في الحقول و خلي باقي النقاش لبكرة تكون استوعبت اللي قلته ليك.

سار الاثنان في صمت ودود و خلفهما الجحش الصغير يمرح و يقفز فرحا كأنه قرد عثر علي كنز من الموز.

الفصل السابع : برتوكولات حكماء الحمير.

غرق فهمان في سبات عميق بعد ان ارهقه التفكير و الاطلاع في جبل من الكتب عن الشرق و حضارته و الغرب و تقدمه و لم يقطع نومه سوي بعض الاحلام عن اعادة الامجاد و تغيير البلاد ثم استيقظ علي صوت صغير يوقظه بمداعبات بسيطة و لم يكن سوي ذاك الجحش الصغير يقول له : صح النوم يا عم فهمان ......... احنا فب انتظارك في الحديقة الخلفية.

نفض فهمان غبار النوم عن جسدة بعدة رفسات في الهواء اعادت النشاط الي عقله وجسده و ذهب الي مضيفه لكي يتابع المناقشة و التعلم منه عن اسرار الغرب و الشرق و كيف وصل الحال الي ذلك.

استقبله المضيف قائلا : واضح انك نمت كويس ؟؟

رد فهمان ضاحكا : انا نمت زي الحمار ..........ثم سأل: كيف استطاع الغرب فهم الشرق و السيطرة عليه الي هذا الحد ؟

رد المضيف : شوف الحكاية بسيطة جدا و بدأت من زمان من ساعة ما الغرب بدء ياخد شكل الدولة الكبري او الدولة القوية و من ساعتها وفي دراسات شغاله ليل مع نهار بدون توقف عن الشرق و تاريخه و حاضره و كمان التفكير الشرقي و ثرواته و طباعه و كل شيء يخصه من الابرة للصاروخ و اكتمل المنظر بوضع خطط قوية مرتبه ودقيقة للغاية  للسيطرة علي الشرق فكريا و اقتصاديا و عسكريا كمان و بكدة يضمنوا ان ثروات و خيرا الشرق تفضل تحت اديهم علي الدوام. بس الفكرة ان الغرب ذكي في انه لما لقي الاحتلال العسكري موش بيدوم و الدليل تاريخ الاحتلال الاوروبي للشرق و كيف انتهي بعد ثورات و حروب طويلة ارهقت تلك الدول واضاعت خيرها و خير الشرق ايضا فكان الاحتلال الفكري في المقام الاول هو السبيل الي السيطرة الكاملة علي الشرق ثم الاحتلال الاقتصادي لاستنزاف خير الشرق.

نظر فهمان بدهشة وقال : ممكن توضيح ازاي دة يحصل و عندهم الرؤساء بيتغيروا و المنافسة بتبقي شديدة غير في الشرق الحاكم ممكن يقعد لحد ما الشعب هو اللي يموت !!!

قال المضيف بسيطة : الحاكم الشرقي بيقولوا عليه القاب  كتير علي مر العصور: امير – ملك – حاكم – فرعون – صاحب الفخامة – صاحب المقام العالي ...........و هكذا و حتي في العصر الحديث لما اصبحت بعض بلاد الشرق لها نظام جمهوري و اصبح لقب رئيس يعطي للحاكم اعطيت معه سلطات مطلقة جعلت من الحكومات لعبة في يده يغير فيها كما يحلوا له ليصبح ديكتاتور يرتدي زي الديموقراطية ..... لكن في الغرب الرئيس له سلطة محددة و الحكومة بتاخد لقب الادارة و مهمتها تنفيذ مشروع مدروس لنهضة البلاد يعني ما حدش فيهم بيعمل حاجة من دماغه او عشوائية ...... موش زي الشرق الوزير يعمل نافورة و اما تتغير الحكومة يجي اللي بعده يهدها و يعمل مكانها واحدة غيرها.

سأل فهمان: و اية الخطة اللي اتبعوها و ازاي محدش كشفها لحد دلوقتي ؟؟؟؟

رد المضيف : هتفضل طول عمرك حمار يا فهمان ........ مين قال ان الخطة موش معروفة و مكشوفة و قد تكون معلنة كمان و بيسموها بروتكولات حكماء صهيون وعلي اساسها قامت الدولة الصهيونية و بقيت و ان كانوا ينكرون وجود مثل تلك الخطط و لكنها بكل بساطة تعتمد علي الاتي : احتلال الشعب فكريا و و القضاء عليه في التعليم و الاقتصاد و جعله يتوجه الي  للغرب كصورة للكمال........ السيطرة علي الحكام و مساعدة اي حاكم تابع لهم في السيطرة علي بلاده.... القضاء علي اي حركة هدفها توحيد الكلمة و توعية الشعب الشرقي ........ القضاء او السيطرة علي العلماء و المفكرين و احتكارهم لمنع نهضة الشرق ........ اشاعة الفتن و الفساد في الشعوب الشرقية ......... يعني من الاخر القضاء علي الجذور الحضارية الشرقية و كمان السيطرة علي التفكير و المستقبل. و كل دة علشان هدفين اقامة دولة صهيونية و نهب ثروات و خيرات الشرق. المشكلة الحقيقية ان الشرق فيه ناس فاهمة كدة و عارفاه بس اما انهم مغيبين وموش مصدقين او انهم في السجون و متضهدين و ده كمان جزء من الخطة.

سأل فهمان : طيب و الحل ؟؟؟؟؟؟؟؟؟؟؟؟؟؟؟؟؟ انا كدة خلاص فقدت الامل في اي تغيير

رد المضيف : الحل في الوحدة و العودة الي الفكر الاصلي اللي بني الشرق و خلي منه اعظم حضارة ..... الفكر الاسلامي المعتدل الصحيح و كمان منع الغرب من نهب ثروات الشرق الفكرية و الاقتصادية.

قال فهمان في حزن و اسي و الدموع تقاتل لكي لا تخرج من عينيه : وده ممكن يحصل !!!؟؟؟

في يوم من الايام هيحصل .......... رد المضيف لان ما فيش ليل بيدوم و لا ظالم بيقدر ينام من صرخة المظلوم.

اسيبك دلوقتي ترتاح و بكرة نكمل و نعرف اية اللي يحصل لو فعلا حصل صدام بين الشرق و الغرب .

بس عاوزك تتخيل هل نقدر نحن الحمير ان نجتمع في يوم و نعمل بروتكولات حكماء الحمير و نقدر نسيطر بيها علي بني البشر في الشرق و الغرب كمان و هيحصل اية لو بني الانسان قدروا يحاربونا و اية اكتر حاجة ممكن بيها يذلونا ؟؟؟؟

رد فهمان : كل مرة تسيبني غرقان اما في الهموم او حيرة تطير من عيني النوم ......... اشوفك بكرة لو عرفت امبارح من بكرة بعد الكلام اللي عرفته .......... انصرف الجميع تاركين فهمان في حيرة و استفهام : ماذا لو حدث الصراع؟؟؟؟

الفصل الثامن : حرب البرسيم

استيقظ فهمان مبكرا قبل الشروق و جلس في احد اركان الحديقة مترقبا بزوغ الشمس و هو غارق حتي اطراف اذنيه في التفكير و التخيل ..... ماذا لو حدث الصراع ......... من سيكسب و من سيخسر .......... من القادر علي التفوق التاريخ و الحضارة ام القوة و النفوذ......... المال ام العقل ......... و ما هو السلاح القوي الذي سيحسم الصراع ؟؟؟

اشرقت شمس الصباح و حينها اخذ فهمان في الحركة و ذهب الي مضيفه في لهفة و بعد ان تناولوا افطارهم كالعادة جلس الي جوارة فسأل المضيف : اية رأيك في كلام امبارح او بالادق اية رأيك هل ممكن حد يفوز لو حدث صراح بين الغرب و الشرق ؟؟

رد فهمان : انا حاسس ان الصراع لازم هيحصل في يوم من الايام ......بس ازاي و مين اللي ممكن يكسب دة اللي موش عارفه ؟

اجاب المضيف بهدوء : الصراع حصل و بيحصل و هيحصل الي يوم القيامة و ما تتخيلش ان حاليا الصراع متوقف بل علي العكس جميع الاطراف في الشرق في صراخ مختفي وراء الستار و الغريب ان موش هيكون فيه منتصر او مهزوم الاطراف كلها بتخسر او بتتعادل في الخسارة.

ثم اكمل قائلا : يا فهمان الصراع موش عسكري فقط زي ما انت فاهم و ان كان الصراع العربي الصهيوني جزء منه و حرب الخليج برضة كانت صراع عسكري واضح بس الصراع الفكري و الحضاري دول اخطر انواع الصراع بدء منذ ان ظهر الغرب و كمان الصراع الاقتصادي و السياسي و دول اقل خطر من الفكر و الحضارة.

سأل فهمان : طيب و ازاي هتكون الاطراف متعادلة ؟؟

رد المضيف : ببساطة اقتصاد الغرب قائم علي اموال و ثروات الشرق ....... يعني الشرق عندة رأس المال و الغرب عنده الية الاقتصاد و زي ما الغرب متفوق في السلاح العسكري و التكنولوجي هيكون الشرق متفوق في سلاح المال و البترول و لا انت ناسي ان معظم دول الشرق قائم اقتصادة علي النفط .... و بكدة هيكون الفارق الاساسي في المعركة هو سلاح الطاقة المسيطر علي العالم و علشان الغرب يضمن عدم استخدام السلاح دة بيحاول احتلال الشرق فكريا و حضاريا و اقتصاديا بشتي الطرق و كمان وجود الدولة الصهيونية في قلب الشرق الاوسط و علي بقعة من اطهر اراضيه يعتبر مسمار جحا كما يقولون لانها بكل بساطة بيحاول الغرب يخليها بقعة تهديد علشان تبقي كارت ارهاب عسكري. و ان كان دة موش صحيح و شيء وهمي لان اي شيء ممكن يستخدم فيها هينقلب عليها بالعقل كدة ..... و لكن تشتت شعوب الشرق و خلافهم الفكري المستمر اللي زرعه الغرب فيهم هيحلي حالة الصراع دي دائمة في حالة من اللا سلم و اللا حرب الا بقي لما يجي اخر الزمان و ساعتها هيتحد الشرق تحت راية الدين و هيهزم الغرب في عقر داره.

ردد فهمان : يعني سلاح الطاقة اللي بيملكه الشرق سلاح هما اللي معطلينه بمزاجهم خوفا علي مصالحهم  و كمان ارضاء للغرب علشان يكون في حالة سلام في المنطقة و لو تجراء احد و طلع لحدود موازاة الغرب عسكريا و اقتصاديا زي الغراق مثلا يصبح في خبر كان و ينقلب عليه الغرب و الشرق كمان........ لانه بكل بساطة مصالح الشرق في الغرب و قوة الغرب في الشرق.......... فعلا معادلة معقدة.

قال المضيف : طبعا بس حلها الاتحاد ..... التعاون ..... التفاهم ....... التقدم ..... الاستقلال الفكري و الحضاري التام عن الغرب و دة ببساطة ممكن يتحقق ببساطة لو تمسك الشرق بقواعد الدين الصحيح ة اتفقوا علي رأي واحد.

رد فهمان : اتمني ان دة يحصل قريب ....... بس بالمناسبة قولي لو حبينا احنا كمان نعلن حربنا علي حمير الوحش و نحاول نستغل اراضيهم الخصبة و العشب اللذيذ الي فيها تفتكر ممكن نعمل اية ؟؟

ضحك المضيف : انت فاكر ان احنا زي البشر هنتخانق علي رزقنا ........... يا ابني احنا ربنا خلق لينا فطرة و عشانا عليها ان كل واحد فينا رزقه مكتوب و موش بياخد اكتر منه حتي لو كان قدامه الدنيا وما فيها و ما تصدقش ان قانون الغاب اللي بيدعيه البشر علينا ان البقاء للاقوي بالعكس قانون الخلق هو البقاء للاصلح و كل واحد عارف دوره بالضبط و بيؤديه و حتي الوحوش في بني الحيوان موش يتفترس علشان تقتل و تنهب بالعكس دي مخلوقه لحكمة توازن الكون و علشان غيرها كمان يعيش من الهوام و الجوارح وغيرها يعني يا فهمان ما تقلقش مستحيل تحصل حرب علي البرسيم و لا حتي صراع او اختلاف عليه لان عمرك ما هتلاقي حمار ياكل اكتر من بطنه و لا يحلي برزق غيره و لا يسيب اخوه ياكله الجوع و هو كرشة مليان.

قال فهمان : عجبا لبني البشر بيقولوا علينا حمير و هما حتي موش بيحاولوا يفهموا ان ربنا خلق كل شيء بحساب و ادي كل واحد رزقه.

قال المضيف : موش كل البشر بشر فيهم بني الانسان و فيهم اللي غواه الشيطان و فيهم اللي حاير و مظلوم ة فيهم اللي ظالم و نايم و نعسان ......... بس لا الظالم هيتهني بظلمه و لا المظلوم هيفضل علي طول متهان.

اسيبك ترتاح لان بكرة اليوم الاخير و جمعية الحمير الدولية عاملة ليك حفلة وداع ......... سلام

سأل فهمان : سؤال اخير : ازاي يحصل سلام في الشرق و الصهاينة علي قلبهم في فلسطين ؟

قال الضيف : بكرة بقي يا فهمان هرد عليك و احنا طالعين المطار لاني خلاص وداني طولت من كتر دهشتي من عالم الانسان.

رد فهمان ضاحكا تصبح علي خير و بلاش تفكر كتير في البشر ليقولوا عليك حمار

الفصل التاسع : سلام و لا في الاحلام

حصل فهمان علي قسط وافر من الراحة رغم انه لم ينم سوي وقتا قصيرا فقد كانت لهفته في العودة الي ديارة و اهلة و عشيرته تجافي النوم عن عينيه و علي الرغم من ذلك فقد كان في قمة نشاطه فبدء بحزم حقائبه مبكرا و قد استعد تابعه من البشر ايضا و بدء في اعداد ما لزم من اجراءات العودة الي بلاد الشرق. ثم توجه فهمان للقاء مضيفه وزوجتة من بني البشر التي كانت ترتدي زيا عجيبا و تضع كل الون الطيف من المساحيق مما جعلها تبدو اشبه ببهلوان في سيرك مرعب او شيطان هرب للتو من الجحيم " كما يصوره الغربيون في افلامهم " و ما ان وقع نظرها علي فهمان حتي انقضت عليه كنمرة جائعة تتلهف لفريسة جريحة واخذت تقبله و تحضنه و الدموع تنهمر من عينيها حزنا علي فراقه. و بعدما تخلص فهمان من تلك الساحرة الشريرة استقبله صديقه الغربي بحرارة قائلا : لن انساك يا فهمان و لن انسي طيبة قلبك و نقاء ضميرك فانت فعلا شرقي حتي النخاع بكل ما تحمله الكلمة من شهامة و شجاعة و اخلاق و حكمة و اصالة و لن انسي ابدا جلسات السمر التي كنا نسهر فيها معا و لن انسي العيش و الملح كما تقولون.

رد فهمان بخصوص العيش و الملح انا كنت جايب هدية ساعة ما وصلت و هي موجودة حتي الان محفوظة ليك و لكني لما شفت العز اللي انت فيه اتكسفت من نفسي و لكني رجعت وقلت احنا معشر الحمير موش بيفرق معانا الكتير و القليل و لاالغالي والرخيص و لا الغني و الفقير و كان لازم اديهالك قبل ما اسافر لاني لا يمكن انسي فضلك انك عرفتني حقيقة لم اكن اعلمها و نفسي و مني عيني ارجع بلاد الشرق و احاول اصحي ضمير الوحدة فيهم و ارجع ليهم عقولهم و اخليهم يطلعوا من عصر الحريم و شهريار و هارون الرشيد اللي بيصوره ليهم الغرب الي عصر الراشدين و الدولة الاسلامية العريقة و عصر محمد علي و النهضة و عرابي و سعد زغلول و النحاس و عبد الناصر و الثورة و السادات و اكتوبر يمكن يفوقوا و يفهموا ان الشجرة الحضارة الاصيلة لا يمكن تموت و ان ماتت بتفضل واقفة ضلها بمتد الي الابد الا لو هما اللي اقتلعوا جزورها من ارضهم وقبلها شالوا اصولهم من عقولهم و مات الضمير في قلوبهم.

لكن قولي و جاوب سؤالي : ازاي يحصل سلام في الشرق و الصهاينة علي قلبهم في فلسطين ؟

اجاب المضيف : الرد بسيط و موش محتاج سؤال الصهاينة بيقولوا الارض مقابل السلام و بكدة الميزان مختل يعني لا يمكن يكون فيه سلام لانهم عاوزين الارض العربية كلها موش فلسطين او القدس و بس و بيحاولو يحصلو عيل كدة بالسلاح و القوة و الارهاب علي مستوي الدولة و ليس الافراد و خد عندك المذابح اللي بتحصل كل شوية و بيسكت عنها الشرق قبل الغرب. و الناحية الثانية العرب عاوزين الارض و السلام عن طريق المناقشة و الحوار و ما بينهم جدل و صراع  بيخلي المسؤلية تتفرق و الحق يضيع يبقي الحل واضح موش هيكون فيه سلام الا مقابل سلام و موش هيكون فيه ارض مستقرة الا بعدالة واضحة و حدود و اعتراف دولي يعني لازم يكون السلام القوي المبني علي الوحدة و الاتحاد وفرض القوة.

عقب فهمان قائلا : اما سلام الاقوياء و الحياة او صمت الجبناء و الموت.

قال المضيف : تمام كدة انا اتطمنت عليك ان خلاص فهمت الدرس و هتكون نعم الطالب اللي هيتفوق علي استاذه رغم اني دة طبع الشرقيين لما يحبوا يتعلموا بجد ...... شد حيلك بقي خلاص ميعاد المؤتمر حان و لازم نكون هناك لانك ضيف الشرف.

توجه فهمان و صديقه الي قاعة المؤتمرات الكبري و التي تخص كبار كبار الزوار و هناك التقي باكابر المجتمع الغربي من الحمير و بعد مراسم الاستقبال المهيب توجه فهمان الي المنصة ليقول كلمته الاخيرة قبل ان يتوجه الي المطار عائدا الي بلاد الشرق الساحر

بدء فهمان كلامه : اخواني الحمير لم يكن من السهل علي فراقكم بعد هذة الفترة التي قضيتها في ضيافتكم اتعلم فيها مباديء تأسيس دولة الحمير الحديثة و ان كان هذا ابسط ما تعلمت فالاساس فيها الحق ....العدل .... المساواة ...و الاحترام و لو تحقق الاول سيتحقق الثاني و لو تحقق الثاني سيكون كل شيء قد جري في مسارة الطبيعي.

و لكني تعلمت العجب العجاب في كل ما تعلمته من حياة البشر في الشرق و الغرب بكل ما فيها من صراع حضاري و فكري و سياسي و اقتصادي و حربي و لكني لم اعجب عندما رجعت الي عقلي و قال لي ان الدنيا بنيت علي الخلاف و الاختلاف و لولا الباطل ما ظهر الحق و لولا ظلمة الليل ما عرف لنور النهار من قيمة.

لن اشكركم في كلمات منمقة كما يفعل البشر و لا وعود زائفة كما يفعل بعض حكامهم فنحن بني الحمير قد خلقنا الله علي الفطرة و سنظل هكذا ما حيينا و لكن شكري سيكون ان اجتهد في انارة عقول بني جنسي الي ما فيه خيرهم و ان نعاون بني البشر في النهوض من غفوتهم فليست الثورة معناها التمرد و العصيان بل تصحيح الاوضاع وازلة الظلم و ليس بناء الدولة الحديثة معناه ازالة اركان القديم من جذوره بل نقص الجذور التالفة و الفاسدة لكي ينمو غيرها صالحا قويا اترككم في رعاية الله و امنه و السلام ختام.

صفق الجميع بحرارة و تعالت صيحاتهم بفرحة و قوة عكست مدي اعجابهم و اشتعال مشاعرهم بكلام فهمان ذلك الحمار الغلبان الذي ذاق الويلات في حياته من بني البشر و سافر عير الارض ليتعلم. نزل فهمان من علي المنصة و سلم علي الجميع ثم توجه مباشرة الي الطائرة مع تابعه الادمي ليعود الي بلاده التي احرق الشوق لها فؤاده و في سرعة البرق انتهت الاجراءات ليطير الي عنان السماء في اتجاة الشمس الساطعة نحو بلاد االشرق.

الفصل العاشر: العودة الي الديار

 مرت ساعات الرحلة و هبطت الطائرة في بلد الشرق و نزل فهمان و مرافقه الي ارض الوطن وكان الاستقبال حارا جدا حرارة شمس الظهيرة في جنوب البلاد و حمل الكثيرون لافتات تحية استقبال لفهمان و استقبله مسئولو المطار بحفاوة و انهوا اجراءات القدوم كاحد كبار المسئولين و القادة فهو اول حمار يحصل علش شهادة غربية في العلوم السياسية و ادارة البلاد الحديثة ثم اخذوه الي مستقبليه من بني الحمير ليلقي عليهم كلمة الوصول وفاجئم انه قد تعلم ايضا لغة البشر في الشرق و ايضا في الغرب و طلب من المسئول القاء كلمة علي الجميع . فجهزوا المكان و هم في قمة الدهشة و كأنهم يشاهدون فيلما اسطوريا فلم يكن الحمار الناطق بلغة البشر الا ضربا من ضروب الخيال في قصص الحيوان و كليلة ودمنة و اخرهم حما جحا الحكيم ........... توجهوا جميعا الي قاعة المؤتمر , و اندهش فهمان عندما رأي تمثالا له في حديقة القاعة و لكنه فكر قليلا ووجد انه طبعا من طباع الشرق و هو تمجيد كل جديد من الغرب و هنا صعد فهمان الي منصة الحديث و بدء حديثه و قد كان الجميع منصتين و كأن علي رؤسهم الطير او علي الادق ترمي الابرة و تسمع رنتها ......فبدء قائلا :

بعد التحية و السلام الي اهل الشرق من بني الانسان والحمير كمان ...طبعا كلامي غريب  و نطقي بلسان الانسان هو اكبر عجب .......لكن موش عجيب ان الحمير تفهم كلام البشر و تقدر تفهمهم كمان.

هبدء كلامي لبني جنسي لانهم اهلي و عزوتي لمتنا حوالين بعض و موش هطول عليهم لان بلاد الحمير موش محتاجة غير العمل و هنوزع رزقنا بالعدل و هنشتغل بكل جهد علشان نكون دايما في المقدمة و موش محتاجين لحد و اكتر حاجة لازم نتعلمها ان احنا نكون حمير و بلاش نقلد بني البشر لان تقليدهم بجد خطير .. علينا و علي عيالنا و علي كل جنس الحمير.

اما يا بني البشر من بلاد الشرق فلازم تعرفوا عدوكم لانه بجد متربص بكم و موش هيهدا و لا ينام الا لو شافكم عبيد له مزلولين علي الدوام ......... عدوكم واضح و معروف لكن اللي اخطر منه عدو تاني  لازم تقضوا عليه ...... فرقتكم و انعدام وحدتكم لانها بتضعفكم و دة اللي محتاجة عدوكم ........ اصحوا بقي و ارجعوا لاصلكم و الطريق المستقيم اللي مرسوم لكم ....... شيلوا كل الخلاف و المصالح و الغوا الحدود و الفوارق ...... طبقوا العدل و المساواة و الاحترام لبعض ........ خلي اخوك قدام عنيك قبل ما تظلمه لانك لو ظلمت نفسك موش هتلاقي اللي يرد ظلمك ليها غيرها ..... بلاش الواسطة و المحسوبية ..... موتوا كدابين الزفة و بطانة السوء ........... خلي قوتكم من ايديكم وبلاش يروح خيركم لاعاديكم ...... و اخيرا و قبل ما اسكت هقول عزتكم يا عرب في ايديكم يا تمسكوا فيها يا هتموت علي ايد اعاديكم .... دينكم و حضارتكم و تاريخكم اساس عزتكم ووحدكم سلاحكم لو انتوا عاوزين ترفعوا راسكم من تاني .... و اخر كلامي سلامي لكل اللي فهم وقدر كلامي و حتي لو كنت حمار فعقلي بيوزن اللي يسمعه و في ايديا القرار

اخوكم فهمان ........ صديق غلبان لبني الانسان