فهمان حكيم بني الحيوان

العودة

 في زمان غير موجود و في مكان لا محل له في الوجود تساوي الحمار و الانسان في الحقوق بعد ان ثارت الحمير علي ظلم البشر لها و اهاناتهم المتكررة لهم و قد حكمت المنظمة الدولية لحقوق الحمير باستقلال الحمير عن البشر و تأسيس دولة الحمير لاول مرة " و طبعا الاخيرة " في مكان منعزل عن عالم البشر و اعتبارها دولة معترف بها رسميا علي ان يتولي البشر رعايتهم و حمايتهم و يقدمون لهم وافر الاحترام و العون. و في هذة الاثناء و بعد تلك التغيرات سافر اول حمار من الشرق إلي بلاد الغرب لكي يدرس و يعرف احدث اساليب الحضارة الحديثة مضت سنوات رجع بعدها ليحكي ويروي لاخوانه من بني الحمير ما راي و ما عرف و ما سمع !!!

الفصل الاول :

التأسيس و التسيس 

بعد ان القي فهمان خطبته العصماء امام عالم البشر و ابهرهم بكلامه و منطقه ليس نطقا فقط و لكن عقلا ايضا توجه الي سيارة خاصة مع تابعه من بني الانسان ليرافقه الي دولة الحمير ليجتمع مع بني جنسه ليتفقوا علي اسس تكوين الدولة لتكون حضارة الحمير المجيدة لها كل ما يحميها من نظام و قواعد و لم يكن طوال الطريق صامتا عن الكلام الا ليفكر فيما هو مقدم عليه فقد حمله بني جنسه من الحمير امانه نقل الحضارة لهم و قطع صمته الطويل سؤال من تابعه متعجبا : سيدي الحمار هو انت ناوي علي ايه ؟؟؟؟؟؟؟؟؟؟

 رد فهمان : يعني اية ناوي علي ايه ؟؟؟؟؟؟

قال التابع : يعني انت الوحيد في بني الحمير اللي قادر علي انك تتكلم مع الناس بدون عائق و بطلاقه فاكيد هتكون انت رئيس دولة الحمير او علي الاقل رئيس الوزراء

رد فهمان مغتاظا و لولا ضيق المكان لرفسه خارج السيارة لتدخله فيما لا يعنيه : هو انت فاكرنا بني ادمين زيكم همنا علي السلطة و المادة و المنصب؟؟؟

تمتم التابع بصوت لم يتجاوز اسنانه : كلكم بتقولوا كدة في الاول !!!!!!!

اكمل فهمان : شوف و رغم اني موش بحب اللي يحشر نفسه في اللي مالوش فيه هقولك حاجة مهمة .... شعب الحمير موش محتاج رئيس و لا وزير لسبب مهم و خطير هو ان احنا ربنا خلقنا علي الفطرة ما لناش اي شهوة و بالتالي ما لناش اي مطامع ربنا حملنا امانه خدمة الانسان و حتي في دولة الحمير كل اللي مطلوب هو انكم تعاملونا باحترام و تقدير و تدونا حقوقنا .. لكن انتوا البشر ربنا حملكم امانة العقل و موش بتستخدموها غير في تلبيه شهواتكم و اشباع غرائزكم اللي دايما لما تتجاوز الحد تقولوا انها غرائز حيوانيه و ده اكبر ظلم لبني الحيوان لان غريزة الحيوان ربنا خلقها لبقاؤه و لخدمة الانسان حتي الافتراس و موضوع البقاء للاقوي اللي انتوا فاهمينه خطاء لأن البقاء للاصلح لبني جنسه موش مجرد قوة يفتري بيها .....

تسأل التابع بعد انه ادهشته لباقة فهمان و تفكيره : يعني انتوا هتتبعوا سياسة اية ؟؟؟؟؟

تبسم فهمان من السؤال و رد بكل بساطة : سياسة اية .... دي كلمة انتوا اخترعتوها علشان تجملوا الحقائق لبعضكم في محاولة ساذجة باقناع كل الاطراف ان لها مصلحة و ان مصلحتها موش هتيجي غير بارضاء الاطراف الاخري و السياسة الوحيدة الي ممكن تطبق عندنا هي المساواة في الحقوق و الواجبات و ان احنا نكتفي بنفسنا بعملنا و جهدنا يعني زي ما بتسموها سياسة الكفاية و العدل. نكتفي بذاتنا بعملنا و نوزع الرزق اللي يجيلنا بالعدل و بدون تمييز. مع العلم ان ما فيش حمار ممكن يظلم اخوه و لا حمار ممكن ياكل اكثر من طاقته زيكم انتوا البشر.

رد التابع بكل تهكم : يا سيدي اي مجتمع لازم يكون فيه تنظيم و لازم يكون له قائد و برضه اكيد هيكون فيه خارجين عن النظام و اكيد هيكون فيه اطماع لان العقل و المنطق بيقول كدة!!

 رد فهمان بكل بساطة : سؤالك ده اكبر دليل انك موش فاهم حاجة لا في السياسة و لا الحمير .... اكيد هيكون في نظام و تنظيم و قيادة بس لتوحيد الصف و القائد موش هياخد اي امتياز في اي شيء و اللي هيكون اكثر الحمير خبرة و حكمة و اكبرهم عمرا وقوة و هيكون معاة مجلس متكامل من حكماء الحمير ممثلين لجميع انواع و الوان الحمير يا سيدي الانسان انتم البشر همكم مميزات القيادة و احنا همنا توحيد الكلمة و الصف و الفكر..... و دولة ما فيهاش شهوات و لا اطماع اكيد هيكون تنظيمها اسهل بكتير.

رد التابع : بس احنا بني البشر بنشوف صراع بين الحيوانات علي قيادة القطيع و اكيد عندكم في دولة الحمير الامر موش هيخلي من الصراع دة ؟؟؟؟؟

تابع فهمان بنبرة قوية جعلت التابع ينغرس في مقعده : انتوا البشر موش عاوزين تشوفوا غير الصورة اللي خيالكم بينقلها عبر اطماعكم .... الصراع علي القيادة في معظم الحيوانات و حتي ان كان قاتل في بعضها موش صراع من اجل مصلحة خاصة بالفرد او القائد و لكنها غريزة الانتخاب الطبيعي اللي بتأمن مصلحة القطيع و في معظم الاحيان بيكون الاكثر قوة و شبابا هو اللي بينال شرف القيادة و علشان يوصل لازم يثبت انه قادر علي حماية الكل ممكن تسميها استعراض قوة ... تقييم مؤهلات و امكانيات ... سميها براحتك لكن انا اللي هسألك عمرك شفت حما ر بيموت اخوه علشان ميراث او عمرك شفت حمارة هربت مع عشيقها او عمرك حتي  شفت حمار بيشتم حمار علشان يعدي الطريق ..... انتم البشر بكل بساطة بتشوفوا الشجاعة في الاسود و الخيانة في الذئاب رغم الاثنين طبعهم الافتراس بتتهمونا بالبلادة و الغباء و موش شايفين الصبر وقوة التحمل ...... عرفت الفرق يا انسان بين انك تكون سايس توحد الصف و انك تكون سياسي موش بتدور غير علي المصالح.